' అమెరికాలోని పెన్సిల్వేనియా రాష్ట్ర రాజధాని ఐన హారిస్బర్గ్ నగరంలో 60వ స్వాతంత్ర్య దినోత్సవ వేడుకలు ఘనంగా జరిగాయి.ఏషియన్ ఇండియన్ అసోసియేషన్ ఆఫ్ సెంట్రల్ పెన్సిల్వేనియా ఆధ్వర్యంలో అన్ని భాషా సంఘములు కలసి అత్యంత ఆనందోత్సాహాలతో స్వాతంత్ర్య దినోత్సవ వేడుకలు జరుపుకున్నాయి. ఈ కార్యక్రమానికి సుమారుగా 1600 మంది భారతీయులు హాజరయ్యారు. ఆగస్ట్ 19న జరిగిన ఈ వేడుకలలో తెలుగు వారు ప్రదర్శించిన పరమత సహనము మరియు హారిస్బర్గ్ ఇడొల్ అనే హస్యనాటికలు అందరినీ ఎంతగానో ఆకట్టుకున్నాయి. ఈ స్వాతంత్ర్య దినోత్సవ వేడుకల సందర్భముగా స్టేట్ అటార్నీ జనరల్ టాం కోర్బెట్ భారతీయులను అబినందిస్తూ సందేశాన్ని అందించారు. తెలుగు, తమిళ,గుజరాతీ, మరాఠీ,మలయాళ, పంజాబీ సంఘములు స్వాతంత్ర్య దినోత్సవ వేడుకలలో సాంస్క్రుతిక కార్యక్రమాలు ప్రదర్శించారు.