శ్రీలంకలో తమ స్వేచ్ఛా పోరాటాన్ని కొనసాగిస్తామని ఎల్టీటీఈ తీవ్రవాద సంస్థ చీఫ్ ప్రభాకరన్ చెప్పారు. ఇటీవల శ్రీలంక ప్రభుత్వ దళాలు జరిపిన దాడిలో ఎల్టీటీఈ రాజకీయ విభాగ అధిపతి ఎస్‌పీ తమిళ్ సెల్వన్ మృతి చెందిన విషయం తెలిసిందే. ఈ నేపథ్యంలో ప్రభాకరన్ మాట్లాడుతూ తమిళ్ సెల్వన్ మరణం వలన ఎల్టీటీఈ ఉద్యమం నీరుగారిపోదని చెప్పారు. ప్రభుత్వ దళాలు తమ శాంతిదూతను కిరాతంగా హత్య చేశాయని ఆయన పేర్కొన్నారు. తమిళ్ సెల్వన్ మృతి నేపథ్యంలో ప్రభాకరన్ ఈ మేరకు ఒక ప్రకటన విడుదల చేశారు. గత శుక్రవారం కిలినోచ్చి‌లో శ్రీలంక వైమానిక దళం జరిపిన దాడిలో తమిళ్ సెల్వన్ మృతి చెందారు.