' భారత్ -శ్రీలంక లను రైలు మార్గం ద్వారా కలిపేందుకు చేపట్టాల్సిన చర్యలను గురించి వచ్చే ఏడాది జరిగే సార్క్ దేశాల రవాణా మంత్రుల సమావేశంలో చర్చిస్తామని శ్రీలంక తెలిపింది. ఈ విషయాన్ని శ్రీలంక రవాణా శాఖ మంత్రి డుల్లాస్ అలపేరుమా చెప్పారు. ఇందులో భాగంగా తలైమన్నార్, రామేశ్వరం మీదగా చెన్నె-కొలంబో మధ్య రైలు మార్గ నిర్మాణం గురించి చర్చిస్తామని అన్నారు. అలాగే తూత్తుకుడి-కొలంబోల మధ్య ఫెర్రీ సేవలు కూడా ప్రారంభిస్తామన్నారు. 25 ఏళ్ల క్రితం కొచ్చిన్-తలైమన్నార్ మధ్య పెర్రీ సేవలు ఉండేవని ఆయన గుర్తుచేశారు.