కేంద్రంలోని యూపీఏ ప్రభుత్వానికి మద్దతు ఇస్తున్న మిత్రపక్ష పార్టీలకు మధ్యంతర ఎన్నికలను కోరుకోవడం లేదని సీపీఐ జాతీయ కార్యదర్శి ఏబీ.బర్ధన్ స్పష్టం చేశారు. అయితే,మధ్యంతర ఎన్నికలు యూపీఏ అనుసరించే వైఖరిపై ఆధారపడి ఉన్నాయని ఆయన సోమవారం ఛత్తీస్‌ఘడ్ రాష్ట్రంలోని జగ్దల్‌పూర్ లో విలేకరులతో అన్నారు. చర్చలు పూర్తికాకమునుపే అణు ఒప్పందం అమలుకు యూపీఏ పూనుకుంటే మధ్యంతరం తప్పదని ఆయన స్పష్టం చేశారు. ఇదిలావుండగా, ఈనెల 16వ తేదీన యూపీఏ-లెఫ్ట్ పార్టీల సమన్వయ కమిటీ సమావేశం జరుగనుంది. దీనిపై బర్ధన్ వ్యాఖ్యానిస్తూ.. అణు ఒప్పందం గురించి ఆందోళన చెందాల్సిన అవసరం లేదని, ఏదో ఒక ఫలితం వస్తుందన్నారు.