రాష్ట్ర రాజధాని పాట్నాలో ఓ సాంకేతిక విద్యాసంస్ధ ప్రిన్సిపల్ ను పట్టపగలే కొందరు కాల్చిచంపారు. ఆ తర్వాత ఆయుధాలను గాల్లో ఊపుతూ మోటర్ బైకులపై వెళ్లిపోయారు. ప్రిన్సిపల్ శర్మ, శనివారం ఉదయం ఇద్దరు వ్యక్తులను ల్యాబరేటరీ చూపించేందుకు తీసుకువచ్చారని విద్యార్ధులు చెప్పారు. ఆ తర్వాత ఆఫీస్ గదికి వెళ్ళిపోయారని, కొంతసేపటికే కాల్పుల శబ్దం వినిపించిందని చెప్పారు. నిందితులను వెంబడించినా లాభం లేకపోయిందని వారు చెప్పుకొచ్చారు. దీనిపై ఫిర్యాదుచేసినా పోలీసులు సకాలంలో స్పందించలేదని ఆరోపిస్తున్నారు.