'శాసన మండలి సభ్యత్వం పదవి అని నేను ఏనాడు అనుకోలేదు. హోదా అని అనుకోలేదు. ఈ సభ్యత్వం ఉన్నా, లేకున్నా ప్రజల కోసం పని చేస్తాను' అని పట్టభద్రుల నియోజకవర్గం ఎమ్మెల్సీ ప్రొఫెసర్ నాగేశ్వర్ అన్నారు. శాసన మండలి సభ్యునిగా అవకాశం ఉన్న రెండు సంవత్సరాలు ఈ వేదికపై ప్రజాసమస్యలపై గళం విప్పుతా,సమర్థంగా ప్రజాసమస్యలు ప్రభుత్వానికి తెలియజేస్తానంటూ ఆయన అన్నారు. నిజాయితీగా ఒక్క పైసా ఖర్చు చేయకుండా గెలిచాం, ఉన్నంతవరకు నిజాయితీగా పని చేస్తామన్నారు. ఆ తరువాత కూడా గతంలో మాదిరిగానే వివిధ వేదికలపై ప్రజాసమస్యల పరిష్కారం కోసం నిబద్ధతతో ఎప్పుడూ పనిచేస్తానని మరోసారి స్పష్టం చేశారు.