3వ ఫ్రంట్ ఏర్పాటుకు ఇది తగిన సమయం కాదని సీపీఎం ప్రధాన కార్యదర్శి ప్రకాష్ కరత్ స్పష్టం చేశారు. జాతీయ స్థాయిలో త్వరలోనే లెఫ్ట్ పార్టీల ఆధ్వర్యంలో 3వ ఫ్రంట్ ఏర్పడనుందన్న ఊహాగానాలను ఆయన తోసిపుచ్చారు. తమిళనాడు ముఖ్యమంత్రి, డీఎంకే చీఫ్ కరుణానిధితో సోమవారం చెన్నైలోని ఆయన నివాసంలో సమావేశమైన కరత్ అనంతరం విలేకరులతో మాట్లాడుతూ కేంద్రానికి తమ వల్ల ముప్పు ఏర్పడవచ్చన్న వార్తలను ఆయన కొట్టి పారేశారు.